Apat na Mahahalaga sa Pagtatapos Nang Mahusay

Mula sa Gospel Translations Tagalog

---

Pagbabago mula noong 15:58, 31 Oktubre 2012

Nagbatâ si Pablo hanggang sa huli, ngunit si Demas, ayon sa ating pagkakaalam, ay hindi (2 Timoteo 4: 7, 10), bagaman siya ay minsang naging isang kamanggagawa (Filemon 1:24). Isa itong nakapagpapahinahong kaisipan dahil napakarami sa atin ay bata pa. Ang pagtatapos nang mahusay ay tinitiyak sa walang kahit na sino nang hiwalay sa biyaya ng Diyos. Katulad ni Pablo, paano tayo makapagbabatâ sa pamamagitan ng biyaya ng Diyos?

1. Araw-araw na buong atensiyon na personal na pakikipagniig sa Panginoon. Araw-araw dapat ito, dahil kung hindi, makikita natin ang ating sarili na lumilihis ng direksiyon. Minahal ni Demas ang kasalukuyang mundo. Ang ating mga oras ng pakikipagniig sa Panginoon ay dapat na bumuo sa atin ng pagmamahal sa Diyos na yumuyurak sa temptasyon na mahalin ang mundong kasalukuyan. Makatutulong ang isang plano, ngunit dapat ay maituro tayo nito sa Diyos mismo.

2. Araw-araw na pag-aangkop ng ebanghelyo. Ang ebanghelyo ay para sa mga makasalanan. Bago tayo makipagniig sa Diyos, humarap tayo sa Kaniya na may saloobin na katulad nang sa maniningil ng buwis na nanalangin ng, “Maawa ka sa akin, isang makasalanan,” at magtiwala lamang sa Panginoon na tayo’y gagawing matuwid. Magbibigay ito sa atin ng lakas ng loob na lumapit sa Panginoon at makipagniig sa Kaniya.

Kapag hindi natin araw-araw na iniangkop ang ebanghelyo, magsisimula tayong ibase ang ating ispirituwalidad sa ating pagganap, na sa kalaunan ay maghahatid sa atin sa pagmamataas o kawalang pag-asa. Ang pagpapaalala sa sarili na tayo ay makasalanan at, sa biyaya ng Diyos, tayo ay dinamitan ng pagkamatuwid Niya, ay magbibigay sa atin ng tunay at dalisay na motibasyon na magpatuloy sa pagsunod kay Hesus at itakwil ang pagnanais na mahalin ang mundong ito. Kailangan nating magtrabaho nang husto, hindi upang hingin ang pagsang-ayon ng Diyos kung hindi dahil nasa atin na ito.

3. Araw-araw na italaga ang iyong sarili sa Panginoon bilang isang buhay na alay. Roma 12:1. Ang ‘alay’ sa Lumang Tipan na pinatutungkulan ni Pablo ay araw-araw na ginagawa ng mga pari. Dinadala niya ang kaparehong kabuluhang iyon sa mga banal sa Bagong Tipan. Ang ating mga katawan ay utang natin sa Diyos, at nararapt na araw-araw nating ilaan ang ating mga sarili sa Kaniya. Katulad ng pag-apela ni Pablo kay Filemon (Filemon 1: 8-10), kahit na mayroon siyang karapatan na utusan ito, ganito rin ang kaniyang pag-apela sa atin na ibigay ang ating mga sarili sa Panginoon. Ang hiwaga ng awa ng Diyos ay dapat na magtulak sa atin na ibigay ito nang walang gatol, at magagawa natin ito kung buong ibayo nating lalasapin at dadamhin ang Kaniyang pagmamahal sa araw-araw.

4. Matibay na paniniwala sa pagiging pinakamataas at sa pagmamahal ng Diyos. Panaghoy 3: 37-38. Ang buhay ay puno ng pasakit, ito man ay dulot ng natural na pangyayari o masamang pita ng iba. Ngunit ang Panginoon ay nasa itaas ng lahat ng uri ng kasamaan, at—sa pamamagitan ng pananampalataya—kaya nating magpasalamat para sa mga ito. Ginagamit ng Panginoon ang mga ito upang maisunod tayo sa Kaniyang wangis at kailanman ay hindi Niya tayo iiwan ni pababayaan. Ang ebanghelyo at ang mga pangako ng Panginoon ay hindi mabibigo, at hindi rin niya babawiin ang mga ito mula sa atin.