Gospel Translations Tagalog - Mga bagong pahina [tl]

For Your Joy/What Should I Do?

Pcain — Tue, 17 Apr 2018 19:37:13 GMT

Pcain: Ipinagsanggalang ang "PARA SA IYONG KAGALAKAN/Ano Ang Dapat Kong Gawin?" ([edit=sysop] (walang katiyakan) [move=sysop] (walang katiyakan))

{{info|For Your Joy/What Should I Do?}} 

''At nang siya'y umalis na lumalakad sa daan, ay may isang tumakbong lumapit sa kaniya, at lumuhod sa harap niya, at siya'y tinanong, Mabuting Guro, ano ang gagawin ko upang ako'y magmana ng buhay na walang hanggan?'' '''- Marcos 10:17'''

''At siya'y humingi ng mga ilaw at tumakbo sa loob, at, nanginginig sa takot, ay nagpatirapa sa harapan ni Pablo at ni Silas, at sila'y inilabas at sinabi, Mga ginoo, ano ang kinakailangan kong gawin upang maligtas?'' '''- Mga Gawa 16:29-30'''

*Talikuran ang mga mapanlinlang pangako ng kasalanan.
*Tumawag ka sa Panginoong Hesus na iligtas ka sa iyong kasalanan, kaparusahan at pagkagapos mula rito. “Sapagka't, ang lahat na nagsisitawag sa pangalan ng Panginoon ay mangaliligtas.” (Mga Taga Roma 10:13).
*Magtiwala ka sa pag-asang ibinibigay ng Diyos na kay Kristo.
*Buwagin ang kapangyarihan ng mga pangako ng makasalanang pamumuhay sa pagtiwala sa mga masaganang pangako ng Diyos.
*Magsimulang magbasa ng Bibliya upang matutunan ang mga mahahalaga at mapagkakatiwalaang pangakong magpapalya sa atin sa kasalanan. (2 Pedro 1:3-4).
*Maghanap at dumalo sa isang “Bible –believing church” at sumamba at sumagana kasama ng mga mananampalataya. (Mga Taga Filipos 3:7).

'''Alam mo ba ang kautusan ng Diyos na ikaw ay magalak?'''

''Mangaglingkod kayo na may kasayahan sa Panginoon!'' '''- Awit 100:2'''

''Magpakaligaya ka naman sa Panginoon; at bibigyan ka niya ng nasa ng iyong puso.'' - Awit 37:4

Ang pinakamagandang balita sa mundo ay walang pagsasalungat sa ating pinakamataas na kagalakan at ang ganap na kabanalan ng Diyos. Ang ating kasaganaan sa Diyos kay Hesus ay nagdadakila sa Kanya bilang ating pinakamimithing kayamanan at nagdadagdag ng kagalakan- magpakailanman at walang katapusang kagalakan- na hindi mapapantayan.
<blockquote>''Iyong ituturo sa akin ang landas ng buhay: nasa iyong harapan ang kapuspusan ng kagalakan; sa iyong kanan ay may mga kasayahan magpakailan man.'' '''Mga Awit 16:11'''</blockquote>

For Your Joy/What Does All This Mean for Me?

Pcain — Tue, 17 Apr 2018 19:28:21 GMT

Pcain: Ipinagsanggalang ang "PARA SA IYONG KAGALAKAN/Ano Ang Ibig Sabihin Nito Para sa Akin?" ([edit=sysop] (walang katiyakan) [move=sysop] (walang katiyakan))

{{info|For Your Joy/What Does All This Mean for Me?}} 

''Ang mga bagay na ito ay isinulat ko sa inyo, upang inyong maalaman na kayo'y mayroong buhay na walang hanggan, sa makatuwid ay sa inyong nananampalataya sa pangalan ng Anak ng Diyos.'' '''- 1 Juan 5:13'''

''Ang dumirinig ng aking salita, at sumasampalataya sa kaniya na nagsugo sa akin, ay may buhay na walang hanggan, at hindi mapapasok sa paghatol, kundi lumipat na sa kabuhayan mula sa kamatayan.'' '''- Juan 5:24'''

''Kaya nga mangagsisi kayo, at mangagbalik-loob, upang mangapawi ang inyong mga kasalanan,'' '''- Mga Gawa 3:19'''

''Na magsipanatili kayo sa pagibig sa Diyos, na inyong asahan ang awa ng ating Panginoong Hesu Kristo sa ikabubuhay na walang hanggan.'' '''- Judas 1:21'''

'''Nilikha tayo ng Diyos para sa kanyang kaluwalhatian.'''

''Dalhin mo rito ang aking mga anak na lalaki na mula sa malayo,.. yaong aking nilikha ay sa aking kaluwalhatian.'' '''- Isaias 43:6-7'''

NIlikha tayo ng Diyos upang palawakin ang kanyang kadakilaan- gaya sa pagpapalaki ng mga bituin sa pag-gamit ng teleskopyo. Nilikha Niya tayo upang isalin sa atin at ipakita ang kanyang kabutihan at katototohanan, at kagandahan, at karunungan at katarungan. Ang pinakamakabuluhang pagpapakita ng kaluwalhatian ng Diyos ay ang pagkakaroon ng matinding kagalakan kung sino siya sa ating buhay. Ibig sabihin ang kaluwalhatian ay sa Diyos at atin ang kaaliwan. Nilikha tayo ng Diyos na siya ay lubos na maluwalhati sa ating buhay kapag tayo ay lubos na masagana sa kanya.

----

'''Ang bawat tao ay dapat mabuhay para sa Kaluwalhatian ng Diyos.'''

''Kaya kung kayo'y nagsisikain man, o nagsisiinom man o anoman ang inyong ginagawa, gawin ninyo ang lahat sa ikaluluwalhati ng Diyos.'' '''- 1 Corinto 10:31'''

Kung tayo ay nilikha para sa kaluwalhatiaan ng Diyos, maliwanag na tayo ay dapat mamuhay para sa kanyang ikaluluwalhati. Ang ating tungkulin ay ayon sa kanyang disenyo. Samakatuwid ang ating pangunahing tungkulin ay ipakita ang kabuluhan ng Diyos sa ating buhay sa ating kapanatagan sa kanya. Ito ang anyo ng pagmamahal sa Diyos (Mateo 22:37) at pagtitiwala (1 Juan 5:3-4) at pasasalamat sa kanya (Awit 100:2-4). Ito ang ugat ng tunay na pagsunod, lalo na sa pagmamahal sa kapwa (Mga taga Colosas 1:4-5).

----

'''Lahat tayo ay nabigo sa pagluwalhati sa Diyos na nararapat lamang.'''

Sapagka't ang lahat ay nangagkasala nga, at hindi nangakaabot sa kaluwalhatian ng Diyos; '''- Mga Taga Roma 3:23'''

Ano ang ibig sabihin ng “hindi nangakaabot sa kaluwalhatian ng Dios”? Ang ibig sabihin ay wala sa atin ang ganap na nagtiwala at nagpahalaga sa Diyos ayon sa nararapat. Hindi tayo nasiyahan sa kanyang kadakilaan at sumunod sa kanyang mga yapak. Hinanap natin ang ating kagalakan sa mga ibang bagay; at itinuring na mas mahalaga sa Diyos, na isang tatak ng sumasamba sa isang diyos-diyosan (Mga Taga Roma 1:21-23). Simula ng pumasok ang kasalanan sa mundo, ang tao ay hindi tumatanggap sa Diyos bilang pinakamahalagang kayamanan sa kanyang buhay (Mga Taga Epeso 2:3). Ito ay isang matinding pagkakasala sa kadakilaan ng Diyos. (Jeremias 2:12-13).

----

'''Lahat tayo ay nararapat lamang na parusahan ng Diyos.'''

''Sapagka't ang kabayaran ng kasalanan ay kamatayan…'' '''- Mga Taga Roma 6:23'''

Hindi natin pinahalagahan ang kaluwalhatian ng Diyos. Papaano? Sa pagkakaroon ng pagnanais sa mga ibang bagay ng higit pa sa Kanya. Sa ating hindi pagpapasalamat, hindi pagtitiwala at pagsuway sa Kanya. Kaya nararapat lamang na itakwil niya tayo sa kanyang paraiso magpakailanman. “Na siyang tatanggap ng kaparusahan, na walang hanggang kapahamakang mula sa harapan ng Panginoon at mula sa kaluwalhatian ng kaniyang kapangyarihan” (2 Mga Taga Tesalonica 1:9).

Ang salitang “impiyerno” ay ginamit sa Bagong Tipan labing dalawang beses – labing–isa binanggit ni Hesus mismo. Ito ay hindi kagagawan ng mga mahina at galit na mensahero ng Diyos. Ito ay isang babala mula sa Anak ng Diyos na namatay upang iligtas ang mga makasalanan sa kaparusahan. Ang pagwawalang bahala dito ay isang malaking pagkakamali.

Kung ang Bibliya ay tumigil na sa puntong ito, tayo ay naitadhana na sa isang panghinaharap na walang pag-asa. Subalit, hindi ito dito nagtatapos.

----

'''Ipinadala ng Diyos ang kanyang Anak upang magbigay ng Buhay na walang hanggan at lubos na kagalakan.'''

''Si Kristo Jesus ay naparito sa sanglibutan upang iligtas ang mga makasalanan'' '''- 1 Timoteo 1:15'''

Ang mabuting balita ay namatay si Hesus para sa mga makasalan katulad natin. Siya ay muling nabuhay upang maging katibayan na ang kanyang pagkamatay ay nagbibigay buhay at maghandog ng buhay na walang hanggan at kagalakan (1 Mga Taga Corinto 15:20). Ibig sabihin maaaring magpawalang sala ang Diyos at siya pa rin ay makatarungan (Mga Taga Roma 3:25-26). “Sapagka't si Kristo man ay nagbata ring minsan dahil sa mga kasalanan, ang matuwid dahil sa mga di matuwid, upang tayo'y madala niya sa Diyos(1 Pedro 3:18). Ang pagtungo sa Diyos ay kung saan matatagpuan ang lubos na malalim at pangmatagalang kasiyahan.

----

'''Ang mga benepisyong tinubos ng pagkamatay ni Kristo ay ibinibigay sa mga nagsisisi at nanampalataya sa kanya.'''

''Manampalataya ka sa Panginoong Jesus, at maliligtas ka.'' '''- Mga Gawa 16:31'''

“Pagsisi” ay ang pagtalikod sa lahat na mapanlinlang na pangako ng kasalanan. “Pananampalataya” ay ang pagiging masagana sa lahat ng pangako ng Diyos na kay Kristo. “Ang sumasampalataya sa akin,” sabi ni Hesus, “ kailan ma'y hindi mauuhaw.” (Juan 6:35). Hindi natin pinagsisikapan ang kaligtasan, hindi natin maaangkin ito (Mga Taga Roma 4;4-5). Ito ay isang biyaya sa pamamagitan ng pananampalataya (Mga Taga Epeso 2:8-9). Ito ay isang kaloob (Maga Taga Roma 3:24). Makakamit natin ito kung ito ang ating pinakamimithi sa lahat. (Mateo 13:44). Kapag ito ay ating nagawa na, ang dahilan ng paglikha ng Diyos sa tao ay magiging ganap na. Siya ay ating niluluwalhati at tayo ay sumasagana sa kanya – magpakilanman.

For Your Joy/Why Is It All About God?

Pcain — Tue, 17 Apr 2018 19:07:09 GMT

Pcain: Ipinagsanggalang ang "PARA SA IYONG KAGALAKAN/Bakit Lahat Tungkol sa Diyos?" ([edit=sysop] (walang katiyakan) [move=sysop] (walang katiyakan))

{{info|For Your Joy/Why Is It All About God?}} 

''Sapagka't si Kristo man ay nagbata ring minsan dahil sa mga kasalanan, ang matuwid dahil sa mga di matuwid, upang tayo'y madala niya sa Dios;'' '''- 1 Pedro 3:18'''

''Datapuwa't ngayon kay Kristo Jesus kayo na noong panahon ay nalalayo ay inilapit sa dugo ni Kristo.'' '''- Efeso 2:13'''

''Kung magkagayo'y paparoon ako sa dambana ng Dios, sa Dios na aking malabis na kagalakan:'' '''- Awit 43:4'''

'''SA''' kabuuan ng lahat, ang Diyos ay ang Ebanghelyo. Ang Ebanghelyo ay ang “mabuting balita.” Ang buhay Kristiyano ay hindi pag-aaral ng Diyos kundi balita mula sa Diyos. Ito ay katulad ng mga bilanggo sa digmaan na nakakarinig mula sa nakatagong radyo ng balita ng pag-asang paglaya at pagsagip. Kaya nagtataka ang mga bantay kung bakit nagbubunyi ang mga bilanggo.

Ngunit ano ang pinakamabuti sa mabuting balita? Nagtatapos ang lahat sa iisang bagay lamang: Sa Diyos. Ang lahat ng nasasaad sa Ebanghelyo ay tungkol sa Kanya, kung hindi man ay hindi ito ang Ebanghelyo. Halimbawa, ang “kaligtasan” ay hindi mabuting balita kung ito ay upang di mapunta sa impiyerno lamang at hindi para sa Diyos. “Pagpapatawad” ay hindi mabuting balita kung ito ay para sa pagpawi ng kabigatan ng loob lamang at hindi patungo sa Diyos. “Pagpapawalang-sala” ay hindi mabuting balita kung ito ay tumitigil sa ating pagiging katanggap-tanggap lamang sa Diyos, at hindi sa pakiki-isa sa Diyos. “Pagtubos” ay hindi mabuting balita kung ito ay nagpapalaya lamang sa atin sa kasalanan, ngunit hindi nag-uugnay sa Diyos. “Pagkalinga” ay hindi mabuting balita kung tayo ay nilalalgay lamang sa pamilya ng Diyos at hindi sa kanyang kanlungan.

Ito ay mahalaga. Marami ang tumatanggap sa mabuting balita na hindi niyakap ang Diyos. Walang sapat na katibayan na tayo ay binago na ng Diyos dahilan lamang gusto nating makaiwas sa impiyerno. Ito ay natural na pagnanais, lamang hindi mula sa Diyos. Hindi ito nangangailangan ng panibagong buhay upang isa-isip ang pagkakaroon ng kapatawaran, o ang pagpawi ng poot ng Diyos, o kasiguruhan ng kasaganaan sa kabilang buhay. Itong mga bagay na ito ay madaling tanggapin na hindi nangangailangan ng pagbabagong buhay. Hindi mo kinakailangan ng “ipanganak muli” upang gustuhin ang mga bagay na ito. Gusto rin ito ng Diyablo.

Hindi mali ang pagnanais nito. Isang kahibangan ang hindi pagkakaroon ng kagustuhan nito. Ngunit ang katibayan ng ating pagbabago ay gusto nating magkaroon ng mga ito sa ating pakiki-isa sa Diyos. Ito ang pinakamakabuluhang pagsasakripisyo na ginawa ni Kristo. “Dahil si Kristo man ay minsang nagdusa dahil sa kasalanan. Ang matuwid para sa mga hindi matuwid upang madala niya tayo sa Diyos” (1 Pedro 3:18).

Bakit ito ang diwa ng mabuting balita? Dahil tayo ay nilikha upang mamuhay sa lubos at tumatagal na kagalakan sa pagsilay at pagtamo ng kuluwalhatian ng Diyos. Kung ang ating kagalakan ay nagmumula sa mas mababang pinagkukunan, tayo ay hindi sumasamba sa tunay na Diyos at Siya ay ating tinatalikuran. Nilikha niya tayo upang maipakita natin sa ating buhay ang kagalakang ito. Ang Ebanghelyo ni Kristo ay ang mabuting balita na ang pagbubuwis ng buhay ng kanyang bugtong na Anak, ay ginawang paraan ng Diyos upang tayo ay madala sa kanya at tayo ay magkaroon ng walang hanggang kagalakan.

Bago pa man dumating si Kristo, nagpakilala na ang Diyos bilang daluyan ng lahat ng ating kagustuhan. “Iyong ituturo sa akin ang landas ng buhay: nasa iyong harapan ang kapuspusan ng kagalakan; sa iyong kanan ay may mga kasayahan magpakailan man” (Awit 16:11). Pagkatapos ay isinugo niya si Kristo upang magdusa “upang tayo ay dalhin sa presensiya ng Diyos.” Ang ibig sabihin nito ay pinadala niya si Kristo upang ang sangkatauhan ay magkaroon ng pinakamalalim at pinakamatagal na kagalakan. Pakinggan natin ang kanyang pag-anyaya: Tumalikod sa “nagsisikupas na kaligayahan sa pagkakasala” (Hebreo 11:25) at magtungo sa “kasayahan magpakailanman” (Awit 16:11). Halina kay Kristo!

For Your Joy/How Can I Love a God Who Allows so Much Evil?

Pcain — Tue, 17 Apr 2018 19:03:09 GMT

Pcain: Ang For Your Joy/How Can I Love a God Who Allows so Much Evil? ay inilipat sa PARA SA IYONG KAGALAKAN/Paano ko Mamahalin ang Diyos na Hinahayaang Lumaganap ang Kasamaan?

{{info|For Your Joy/How Can I Love a God Who Allows so Much Evil?}} 

''At tungkol sa inyo ay inyong ipinalagay na kasamaan laban sa akin; nguni't ipinalagay ng Dios na kabutihan.'' '''- Genesis 50:20'''

''Sapagka't sa katotohanan sa bayang ito'y laban sa iyong banal na Lingkod na si Jesus, na siya mong pinahiran, ang dalawa ni Herodes at ni Poncio Pilato, kasama ng mga Gentil at ng mga bayan ng Israel, ay nangagpisanpisan, Upang gawin ang anomang naitakda na ng iyong kamay at ng iyong pasiya upang mangyari.'' '''- Mga Gawa 4:27-28'''

''Ang mga bagay na lihim ay nauukol sa Panginoon nating Dios.'' '''- Deutoronomio 29:29'''

'''ANG''' pinakamakabuluhang bagay na masasabi natin tungkol sa pagdurusa at kasamaan ay, kay Hesu Kristo, ginawa ito ng Diyos para sa kabutihan. Ang pinagsimulan ng kasamaan ay nababalot ng hiwaga. “Free Will” ang tawag natin sa misteryong ito. Hindi maipaliwanag kung papaano piniling magkasala ang ganap na nilikha. Isa pang pangalan ng hiwagang ito ay “the sovereignty of God.” Ito ay totoong nakasaad sa Bibliya, ngunit marami pa ring di masagot na katanungan. Ang Bibliya ay di nagsasabi ng lahat ng gusto nating malaman. Sa halip sinasabi nito “Ang mga bagay na lihim ay nauukol sa Panginoon nating Diyos” (Deuteronomio 29:29).

Sa kaibuturan ng Bibliya at Kristiyanismo hindi natin makikita ang pinagmulan ng kasamaan, ngunit ipinapakita nito ang pagkilos ng Diyos at ang pagsalungat niya sa kasamaan – naging walang hanggang kabutihan at kagalakan. May mga palatandaan sa Banal na Kasulatan na ganito ang tadhana ng Mesyas. Si Jose, anak ni Jacob, ipinagbili bilang alipin sa Ehipto. Nagmistulan siyang pinabayaan sa loob ng 17 taon. Ngunit sa pagkilos ng Diyos siya ang naging tagapamahala ng Ehipto, at ng panahon ng matinding tagtuyot siya ang naging tagapagligtas ng nagbenta sa kanya. Ang kabuuan ng kuwento ay pinaliwanag ni Jose na “At tungkol sa inyo ay inyong ipinalagay na kasamaan laban sa akin; nguni't ipinalagay ng Diyos na kabutihan upang mangyari ang gaya sa araw na ito, na iligtas ang buhay ng maraming tao” (Genesis 50:20). Ito ay nagsilbing pagpapakilala sa gawain ni Hesu Kristo, tinalikuran upang magligtas.

Tunghayan natin ang pinagmulan ni Kristo. Dati ang Diyos ang natatanging Hari ng Israel. Ngunit nag-aklas ang mga Isrelita at humiling ng taong hari: “Hindi; kundi magkakaroon kami ng hari sa amin; (1 Samuel 8:19). Kalauna inamin nila “Sapagka't aming idinagdag sa lahat ng aming mga kasalanan ang kasamaang ito, na humingi kami para sa amin ng isang hari” (1 Samuel 12:19). Ngunit naroon ang Diyos. Mula sa hanay ng mga haring ito si Kristo ay isinugo sa mundo. Ang walang salang tagapagligtas ay nagmula sa makasalanang pinanggalingan upang magligtas ng mga makasalanan.

Ngunit ang pinaka-nakamamanghang pangyayari ay ang pagtatagumpay ni Kristo sa kasamaan at pagdurusa ay ang pagdaan niya sa mga bagay na ito. Bawat pagtataksil at pagpaparusa kay Kristo ay kasalanan at kasamaan. Ngunit bahagi dito ang Diyos. Ang sabi ng Bibliya “Siya, na ibinigay sa takdang pasiya at paunang kaalaman ng Dios, kayo sa pamamagitan ng mga kamay ng mga tampalasan ay inyong ipinako sa krus at pinatay" (Gawa 2:23). Ang latay sa kanyang likod, tinik sa kanyang ulo, ang pagdura sa kanyang pisngi, mga pasa sa kanyang mukha, pako sa kanyang palad, sibat sa kanyang tagiliran, ang alipusta ng mga maykapangyarihan, pagtaksil ng kanyang kaibigan, paglisan ng kanyang mga alagad- ito ay sanhi ng pagkakasala at bahagi ng plano ng Diyos sa pagtanggal ng kapangyarihan ng kasalanan. “Ang dalawa ni Herodes at ni Poncio Pilato, kasama ng mga Gentil at ng mga bayan ng Israel, ay nangagpisanpisan, upang gawin ang anumang naitakda na ng iyong kamay at ng iyong pasiya upang mangyari” (Mga Gawa 4:27-28).

Wala ng hihigit pang kasalanan sa pagtakwil at pagpatay sa Anak ng Diyos. Wala ng mas hihigit pang pagdurusa at pagkawalang-sala sa pinagdaanan ni Kristo. Ngunit bahagi dito ang Diyos. “Gayon ma'y kinalugdan ng Panginoon na mabugbog siya” (Isaiah 53:1). Ang kanyang paraan sa pag-gapi ng kasamaan at pagdurusa ay ang pag-gamit ng kasamaan at pagdurusa. “Nguni't siya'y nasugatan dahil sa ating mga pagsalangsang, siya'y nabugbog dahil sa ating mga kasamaan” (Isaias 53:5). Hindi ba’t ang pagdurusa ni Kristo ay pagpapahayag sa mundo na walang kasalanan o kasamaan na hihigit pa sa kapangyarihan ng Diyos, sa pamamagitan ni Kristo, na di kayang gawing walang hanggang kabutihan at kagalakan? Ang pagdurusang ating idinulot ang naging panimula ng ating kaligtasan. At sinabi ni Hesus, “Ama, patawarin mo sila; sapagka't hindi nila nalalaman ang kanilang ginagawa” (Lukas 23:34).

For Your Joy/What If I Don’t Love God?

Pcain — Tue, 17 Apr 2018 18:58:28 GMT

Pcain: Ipinagsanggalang ang "PARA SA IYONG KAGALAKAN/Paano Kung Hindi ko Mahalin ang Diyos?" ([edit=sysop] (walang katiyakan) [move=sysop] (walang katiyakan))

{{info|For Your Joy/What If I Don’t Love God?}} 

''Ang sumasampalataya sa Anak ay may buhay na walang hanggan; nguni't ang hindi tumatalima sa Anak ay hindi makakakita ng buhay, kundi ang poot ng Diyos ay sumasa kaniya.'' '''- Juan 3:36'''

''At ang mga ito'y mangapaparoon sa walang hanggang kaparusahan: datapuwa't ang mga matuwid ay sa walang hanggang buhay.'' '''- Mateo 25:46'''

''Na siyang tatanggap ng kaparusahan, na walang hanggang kapahamakang mula sa harapan ng Panginoon at mula sa kaluwalhatian ng kaniyang kapangyarihan.'' '''- II Tesalonica 1:9'''

SA ating pinakamasayang sandali ayaw nating mamatay. Ang kagustuhang mamatay ay nangyayari lamang kung di na natin kayang pagtiisan ang pagdurusa. Ang ating tunay na kagustuhan ay pagliligtas hindi kamatayan. Gusto nating bumalik ang masasayang araw muli. Gusto nating matanggal ang sakit. Kung maaari lamang mabuhay ang ating mga pumanaw na mahal sa buhay. Nais natin ang kasiglahan at kasiyahan.

Pawang nagbibiro tayo sa pagturing sa kamatayan ng pagtatapos ng isang magandang buhay. Ito ay isang kaaway. Hindi ito nag-uugnay sa mga magagandang karanasan sa buhay. Tinuturing nating kaibigan ang kamatayan sa paghahambing sa mga di magandang pangyayari, Ang pagtanggap sa halik ng kamatayan sa harap ng paghihirap ay hindi ang natatanging inaasam kung hindi kawalan ng pag-asa. Ang itinitibok ng ating mga puso ay buhay na maligaya.

Ganyan ang pagkalikha sa atin ng Diyos. “Inilagay rin niya ang sanglibutan sa kanilang puso” (Ecclesiastico 3:11). Nilikha tayo sa wangis ng Diyos, at ang Diyos ay may buhay ng walang hanggan. Tayo rin ay hinubog upang mabuhay magpakailanman. At tayo ay mabubuhay nga ng gayon. Ang kabaligtaran ng buhay na walang hanggan ay hindi ang pagkaubos ng buhay. Ito ay ang Impiyerno. Madalas itong ipangaral ni Hesus ng higit pa kanino man at malinaw niyang itinuro na ang pagtangi sa buhay na walang hanggan na kanyang ipinagkaloob ay hindi hahantong sa pagwawakas kung hindi sa matinding pagdurusa sa pagtanggap ng poot ng Diyos: “Ang sumasampalataya sa Anak ay may buhay na walang hanggan; nguni't ang hindi tumatalima sa Anak ay hindi makakakita ng buhay, kundi ang poot ng Diyos ay sumasa kaniya” (Juan 3:36).

At ito ay magpakailan pa man. Sabi ni Hesus “At ang mga ito'y mangapaparoon sa walang hanggang kaparusahan: datapuwa't ang mga matuwid ay sa walang hanggang buhay” (Mateo 25:46). Ito ay nagpapakita ng matinding pagtutol at pagsuway sa Diyos. Ang babala ni Hesus, “At kung ang mata mo'y makapagpapatisod sa iyo, ay dukitin mo: mabuti pa sa iyo ang pumasok sa kaharian ng Diyos na may isang mata, kay sa may dalawang mata kang mabulid sa impierno; Na doo'y hindi namamatay ang kanilang uod, at hindi namamatay ang apoy” (Markos 9: 47-48).

Samakatuwid ang buhay na walang hanggan ay hindi lamang pagdugtong sa kasalukuyang buhay na may pagdurusa at pagsasaya. Kung ang Impiyerno ay ang pinakamasamang hantungan ng buhay, ang buhay na walang hanggan naman ang pinakamaganda. Ito ay pagkamit ng lubos na kagalakan kung saan ay wala ng kasalanan at kalungkutan. Lahat ng kasamaan at nakapipinsala ay mawawala na sa kasalukuyang mundong ginagalawan. Lahat ng mabuti – lahat ng nagbibigay ng tunay at tumatagal na kaligayahan – ay mananatili at malilinis at ipagiibayo pa.

Tayo ay babaguhin upang maging angkop ang ating pangangatawan sa di lubos na maisip na naghihintay na kagalakan sa ating nabubuhay. “Ang mga bagay na hindi nakita ng mata, at ni narinig ng tainga, Ni hindi pumasok sa puso ng tao, anumang mga bagay na inihanda ng Dios sa kanila na nangagsisiibig sa kaniya” (1 Corinto 2:9). Ito ang katotohanan ngayon at magpakailanman: Para sa mga nagtitiwala kay Kristo paparating pa lamang ang ganap na kasaganaan. Masasaksihan natin nagsasaganang kaluwalhatian ng Diyos. “At ito ang buhay na walang hanggan, na ikaw ay makilala nila na iisang Dios na tunay, at siyang iyong sinugo, sa makatuwid baga'y si Jesu Kristo” (Juan 17:3). Para dito nagdusa at namatay si Kristo. Papaano natin tatanggihan ito bilang ating kayamanan at patuloy na mabuhay?

For Your Joy/How Can God Love Me?

Pcain — Tue, 17 Apr 2018 18:54:18 GMT

Pcain: Ipinagsanggalang ang "PARA SA IYONG KAGALAKAN/Paano Ako Mamahalin ng Diyos?" ([edit=sysop] (walang katiyakan) [move=sysop] (walang katiyakan))

{{info|For Your Joy/How Can God Love Me?}} 

''Na sa kaniya'y mayroon tayo ng ating katubusan sa pamamagitan ng kaniyang dugo, na kapatawaran ng ating mga kasalanan, ayon sa mga kayamanan ng kaniyang biyaya.''' '''- Epeso 1:7'''

''Sapagka't gayon na lamang ang pagsinta ng Diyos sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.'' '''- Juan 3:16'''

''Sapagka't ang isang tao'y bahagya nang mamatay dahil sa isang taong matuwid: bagama't dahil sa isang taong mabuti marahil ay may mangangahas mamatay. Datapuwa't ipinagtatagubilin ng Diyos ang kaniyang pagibig sa atin, na nang tayo'y mga makasalanan pa, si Kristo ay namatay dahil sa atin.'' '''- Roma 5:7-8'''

'''ANG''' sukutan ng pagmamahal ng Diyos ay makikita sa dalawang paraan: Isa ay sa sukat ng ibinuwis niya para sa kabayaran ng ating kasalanan. At ang pangalawa ay sa ating hindi pagiging karapat dapat sa kanyang pagligtas sa atin.

Nalalaman natin ang kanyang pagsasakripisyo sa mga salitang “Ibinigay niya ang kanyang bugtong na Anak” (Juan 3:16). Naririnig din natin ito sa salitang “Kristo”. Ito ay hango sa salitang Griyego “''Christos'',” o “Anointed One,” o “Messiah”. Ito ay salitang may taglay na mataas na karangalan. Ang Mesiyas ay ang hari ng Israel. Sasakupin niya ang mga Romano at magdadala ng kapayapaan at katiwasayan sa Israel. Sa kabuuan, ang kinatawan na isinugo ng Diyos upang tubusin ang mga makasalanan ay ang kanyang Diyos na Anak, at ang itinalagang Hari ng Israel. – tunay ngang Hari ng sanglibutan (Isaiah 9:6-7).

Kapag isinama pa natin ang ngakagigimbal na pagpako sa krus na tiniis ni Kristo, nagiging maliwanag na ang sakripisyo ng Diyos Ama at Diyos Anak ay di mapapantayan – walang katulad, kung susukatin mo ang layo ng antas ng Diyos at ng tao. Ngunit pinili ng Diyos ang pagbubuwis upang tayo ay maligtas.

Ang sukat ng kanyang pag-ibig ay lalong lumalaki kung iisipin natin ang ating pagiging makasalanan. “Madaling tanggapin ang magbuwis ng buhay para sa mga mabubuti. Ngunit ipinadama ng Diyos ang kanyang pagmamahal sa atin kahit tayo ay makasalanan sa pagkamatay ni Kristo para sa atin” (Roma 5:7-8). Ang nararapat sa atin ay parusahan dahil sa poot ng Diyos hindi pagmalasakitan.

Narinig ko itong sinabi na “Ang Diyos ay di nagbuwis ng buhay para sa mga palaka.Siya ay tumutugon sa ating halaga bilang tao.” Ito ang sukdulan ng kabutihan. Tayo ay mas mababa pa sa mga palaka. Ang mga palaka ay di nagkasala, di nagrebelde laban sa Diyos, kaya hindi kinailangan mamatay ng Diyos para sa mga palaka. Hindi sila masama ngunit tayo ay masama. Napakalaki ng ating pagkaka-utang sa Diyos at siya lamang ang maaaring tumubos sa atin.

May natatanging paliwanag lamang sa ginawang pagsasakripisyo ng Diyos para sa atin. Hindi dahil sa atin. Kundi dahil sa kanyang “lubos na kabutihan.” (Epeso 1:7). Ito ay kanyang ipinagkaloob. Ito ay hindi pagtapat sa ating halaga. Ito ay dahil sa kanyang nag-uumapaw na pagpapahalaga. Sa katunayan, ito ang pag-ibig ng Diyos, walang katapusan: matinding pagsuyo upang mahalina ang mga hindi karapat-dapat na mga makasalanan, ang dakilang pagbubuwis, upang tayo ay magkaroon ng lubos na kagalakan magpakailan man, ito ang kagandahan ng Diyos.

For Your Joy/Why Did Jesus Have to Die?

Pcain — Mon, 16 Apr 2018 20:23:31 GMT

Pcain: Ipinagsanggalang ang "PARA SA IYONG KAGALAKAN/Bakit Kinailangang Mamatay si Hesus?" ([edit=sysop] (walang katiyakan) [move=sysop] (walang katiyakan))

{{info|For Your Joy/Why Did Jesus Have to Die?}}

''Na siyang inilagay ng Diyos na maging pangpalubagloob, sa pamamagitan ng pananampalataya, sa kaniyang dugo, upang maipakilala ang kaniyang katuwiran dahil sa hindi pagpansin sa mga kasalanan na nagawa nang nagdaang panahon sa pagpapahinuhod ng Diyos.'' '''-Roma 3:25'''

''Narito ang pagibig, hindi sa tayo'y umibig sa Diyos, kundi siya ang umibig sa atin, at sinugo ang kaniyang Anak na pangpalubagloob sa ating mga kasalanan.'' '''-1 Juan 4:10'''

''Sa sumpa ng kautusan ay tinubos tayo ni Kristo, na naging sumpa sa ganang atin'' '''- Mga taga Galacia 3:13'''

'''KUNG''' ang Diyos ay hindi ''tapat'', walang ''pangangailangan'' na ang kanyang bugtong na Anak ay magdusa at mamatay. At kung ang Diyos ay di ''mapagmahal'', walang kasiyahan para sa kanyang Anak upang magdusa at mamatay. Ngunit ang Diyos ay tapat at mapagmahal. Samakatuwid ang kanyang pag-ibig ay handang tapatan ang pangangailangan ng kanyang hustisya.

Ang kanyang Kautusan ay nagsasaad “At iyong iibigin ang Panginoon mong Dios ng iyong buong puso, at ng iyong buong kaluluwa, at ng iyong buong lakas” (Deuteronomio 6:5). Ngunit mas mahal pa natin ang ibang mga bagay. Ito ang anyo ng kasalanan- pagwawalang bahala sa Diyos at paghahangad ng ibang bagay at pagsunod sa mga bagay na ito. Kaya ang sabi ng Bibliya “Sapagka't ang lahat ay nangagkasala nga, at hindi nangakaabot sa kaluwalhatian ng Diyos” (Roma 3:23). Niluluwalhati natin ang ating lubos na ikinagagalak. At hindi iyon ang Diyos.

Samakatuwid hindi maliit ang pagkakasala dahil ito ay laban sa Diyos na Dakila. Ang kabigatan ng paglalait ay ayon sa dangal ng pagkatao. Ang Lumikha ng lahat ay nararapat na bigyan ng pagkilala, paghanga at katapatan. Ang ating hindi pagbigay ng kahalagahan sa kanya ay pagtataksil. Ito ay paglalapastangan sa Diyos at sumisira sa kaligayahan ng sangkatauhan.

Dahil ang Diyos ay tapat hindi niya minamaliit ang mga krimeng ito. Nakakaramdam siya ng banal na galit sa mga may sala. Sila ay dapat na maparusahan, ito ay maliwanag “Sapagka't ang kabayaran ng kasalanan ay kamatayan” (Roma 6:23). “Ang kaluluwa na nagkakasala ay mamamatay” (Ezekiel 18:4).

Mayroong nagbabadyang paghuhukom sa lahat ng kasalanan. Ang hindi pagbibigay ng parusa ay hindi pagiging matapat. Ang pagkakasala sa Diyos ay parurusahan. Isang malaking kasinungalingan ang hindi pagtugon dito. Kaya ang sabi ng Diyos “Sumpain yaong hindi umayon sa mga salita ng kautusang ito upang gawin” (Galacia 3:10, Deuteronomio 27:26).

Ngunit ang pag-ibig ng Diyos ay di nakasalalay sa kaparusahan para sa mga makasalanan. Hindi siya nasisiyahan sa pagpapakita ng poot kahit na siya ay may karapatang magalit. Ngunit ipinadala niya ang kanyang bugtong na Anak upang tumanggap ng kanyang kapootan at ipawalang sala ang magtitiwala sa kanya. “Sa sumpa ng kautusan ay tinubos tayo ni Kristo, na naging sumpa sa ganang atin” (Galacia 3:13).

Ito ang ibig sabihin ng salitang “pangpalubagloob” sa mga talata sa pahina 11. Ito ay ang pag-aalis ng poot sa pamamagitan ng pagpataw sa kahalili. Ang kahalili ay ibinigay din ng Diyos. Ang kahalili, Si Hesu Kristo, ay di lamang sumalag ng poot ng Diyos; ito ay kanyang inako upang tayo ay di na magdusa. Ang poot ng Diyos ay nararapat lamang, ito ay naubos, hindi inurong.

Huwag natin gawing biro o maliitin ang kanyang pag-ibig sa atin. Hindi natin lubos na pasasalamatan ang kabutihan ng Diyos hanggat di natin isinasapuso ang kabigatan ng ating pagkakasala sa Diyos at ang parusang kakambal nito. Subalit kung sa pamamagitan ng biyaya, makakasumpong tayo sa kabutihan ng Diyos at tanggapin na di tayo nararapat sa kanyang pag-ibig, titingnan natin ang pagdurusa at pagkamatay ni Kristo at sasabihing “Narito ang pagibig, hindi sa tayo'y umibig sa Diyos, kundi siya ang umibig sa atin, at sinugo ang kaniyang Anak na ''pangpalubagloob'' sa ating mga kasalanan” (1 Juan 4:10).

For Your Joy/Introduction

Pcain — Mon, 16 Apr 2018 20:15:14 GMT

Pcain: Ipinagsanggalang ang "PARA SA IYONG KAGALAKAN/Panimula" ([edit=sysop] (walang katiyakan) [move=sysop] (walang katiyakan))

{{info|For Your Joy/Introduction}}

'''DALAWANG '''libong taon na nakalipas, si Hesus at kanyang mga alagad ay nag-uusap tungkol sa isang paksa “Sino sa tingin ng mga tao ang sinasabi nilang Anak ng Diyos?” ang tanong niya sa kanila. Sumagot sila at nagbigay ng kanilang nalalaman. Subalit, itinaas ni Hesus ang antas ng kanilang usapin. Mula sa kaisipan sa pagiging personal, tinanong niya silang muli “Sino ako sa tingin ninyo?” Madali lamang sagutin ang mga tanong kung ano ang sinasabi ng ibang tao. Ngunit may panahon na tayo mismo ay dapat humarap sa tanong ni Hesus. Sino nga ba si Hesus sa atin? Ang pangkaraniwang sagot: Si Hesus ay isang magaling na guro na may mabuting kaugalian at mahabagin. Ayon kay C.S. Lewis – Ang Britanyong may akda ng ''The Lion, the Witch and the Wardrobe'' – na ang mga katwirang ito ay di nababagay:

:Ipinapagliban ko ang maling kaisipan na sinasabi ng karamihan tungkol sa Kanya: “Ako ay handang tumanggap kay Hesus bilang mabuting guro, ngunit hindi ang kanyang pagiging Diyos. Iyan ay isang bagay na di natin dapat banggitin. Ang isipin na isang pangkaraniwang tao lamang ang nagsabi ng ganoong mga bagay na binanggit ni Hesus ay hindi isang mabuting guro. Siya ay maaaring nahihibang – katulad ng isang taong nagsasabi na siya ay nilagang itlog – o kaya siya ang Diablo ng Impiyerno. Kailangan mong mamili. Na siya ay ang hinirang, at sa ngayon, Ang Anak ng Diyos: o kaya isang taong nasisiraan ng bait o mas malala pa. Maaari mo siyang patahimikin bilang isang hangal, maaari mo siyang lapastanganin at patayin bilang kampon ng kadiliman; o maari mo siyang sambahin at tawaging Panginoon at Diyos. Ngunit huwag tayong mangusap ng walang kabuluhan na siya ay isang mabuting guro lamang. Hindi niya ito iniwan upang tayo ay pumili ng gusto nating isipin. Hindi niya ito nilayon.

Ang tanong na ito- Sino sa tingin ninyo si Hesus? – ay ang pinakamahalagang katanungan na maaari mong sagutin. Sa librito na ito ni John Piper sasagutin niya ang ilan sa mga karaniwang at mahahalagang katanungan tungkol kay Hesus - sino siya, bakit siya pumarito, ano ang kanyang nagawa, at bakit natin dapat pangahalagahan. Kung naitanong mo ang mga bagay na ito at hinahanapan ng kasagutan- hindi sa pamamagitan ng iyong kaisipan at mga pinaniniwalaan kung hindi sa pamamagitan ng Salita ng Diyos- inaanyayahan ka naming makiisa. Para sa iyong kagalakan.

PARA SA IYONG KAGALAKAN

Pcain — Mon, 16 Apr 2018 19:55:03 GMT

Pcain: Nilikha ang pahina na may '{{info|For Your Joy}}'

Apat na Mahahalaga sa Pagtatapos Nang Mahusay

Kathyyee — Wed, 31 Oct 2012 15:58:08 GMT

Kathyyee:

{{info|Four Essentials to Finishing Well}}Nagtiis si Pablo hanggang sa huli, ngunit si Demas, sa ating pagkakaalam, ay hindi (2 Timoteo 4: 7, 10), kahit na siya ay minsang naging isang kapwa-manggagawa (Filemon 1:24). Mahalaga ang mensaheng ito lalu na sa mga kabataan dahil mahaba-haba pa ang kanilang lalakbayin sa buhay. Ang pagtatapos nang mahusay sa ating buhay sa mundong ito ay imposible kung tayo ay hiwalay sa Diyos. Katulad ni Pablo, paano nga ba tayo makapagtitiis sa tulong ng pagpapala ng Diyos?

1. '''Buong atensiyon na pakikipagniig sa Panginoon araw-araw.''' Araw-araw dapat ito, dahil kung hindi, makikita natin ang ating sarili na lumilihis ng direksiyon. Ang ating mga oras ng pakikipagniig sa Panginoon ay dapat na magpaigting ng ating pagmamahal sa Kanya na yuyurak sa temptasyon na mahalin ang mundong kasalukuyan na katulad ng ginawa ni Demas. Makatutulong ang isang plano, ngunit dapat ay maituro tayo nito sa Diyos mismo.

2. '''Pag-aangkop ng ebanghelyo araw-araw.''' Ang ebanghelyo ay para sa mga makasalanan. Bago tayo makipagniig sa Diyos, humarap tayo sa Kanya na may saloobin na katulad nang sa maniningil ng buwis na nanalangin ng, “Maawa ka sa akin, isang makasalanan,” at magtiwala lamang sa Panginoon na tayo’y gagawing matuwid. Magbibigay ito sa atin ng lakas ng loob na lumapit sa Panginoon at makipagniig sa Kaniya.

Kapag hindi natin araw-araw na iniangkop ang ebanghelyo, magsisimula tayong ibase ang ating ispirituwalidad sa ating pagganap, na kalaunan ay maghahatid sa atin sa pagmamataas o kawalang pag-asa. Ang pagpapaalala sa sarili na tayo ay makasalanan at, sa biyaya ng Diyos, tayo ay dinamitan ng pagkamatuwid Niya, ay magbibigay sa atin ng tunay at dalisay na dahilan na magpatuloy sa pagsunod kay Hesus at itakwil ang pagnanais na mahalin ang mundong ito. Kailangan nating magtrabaho nang husto, hindi upang hingin ang pagsang-ayon ng Diyos kung hindi dahil nasa atin na ito.

3. '''Pagtatalaga ng sarili sa Panginoon bilang isang buhay na alay araw-araw.''' Roma 12:1. Ang ‘alay’ sa Lumang Tipan na pinatutungkulan ni Pablo ay araw-araw na ginagawa ng mga pari. Dinadala niya ang kaparehong kabuluhang iyon sa mga banal sa Bagong Tipan. Ang ating mga katawan ay utang natin sa Diyos, at nararapt na araw-araw nating ilaan ang ating mga sarili sa Kanya. Katulad ng pag-apela ni Pablo kay Filemon (Filemon 1: 8-10), kahit na mayroon siyang karapatan na utusan ito, ganito rin ang kanyang pag-apela sa atin na ibigay ang ating mga sarili sa Panginoon. Ang hiwaga ng awa ng Diyos ay dapat na magtulak sa atin na ibigay ito nang walang gatol, at magagawa natin ito kung buong ibayo nating lalasapin at dadamhin ang Kanyang pagmamahal sa araw-araw.

4. '''Matibay na paniniwala sa pagiging pinakamataas ng Diyos at sa Kanyang pagmamahal.''' Panaghoy 3: 37-38. Ang buhay ay puno ng pasakit, ito man ay dulot ng natural na pangyayari o masamang pita ng iba. Ngunit ang Panginoon ay nasa itaas ng lahat ng uri ng kasamaan, at—sa pamamagitan ng pananampalataya—kaya nating magpasalamat para sa mga ito. Ginagamit ng Panginoon ang mga pagsubok upang hubugin tayo ayon sa Kanyang wangis. Ating alalahanin na kailanman ay hindi Niya tayo iiwan ni pababayaan. Ang ebanghelyo at ang mga pangako ng Panginoon ay hindi mabibigo, at hindi rin Niya babawiin ang mga ito mula sa atin.

Ang Mga Desisyong Ginagawa Ngayon Ang Makapagsasabi kung Magiging Sino Ka Sa Hinaharap

PagePush — Mon, 24 Aug 2009 16:22:05 GMT

PagePush: Automated: copied from main site

{{ info | Today's Decisions Determine Who You'll Be Tomorrow}}2007 Pambansang Pagtitipon
Ang mga sumusunod na impormasyon ay kinuha sa sinabing pagtitipon.
Pangunahing Punto
Kung sino ka sa hinaharap ay nakadepende sa iyong ginagawa ngayon bilang isang kristiyano. Ikaw ba ay taga-sunod nang Panginoon o taga-sunod nang iyong mga gusto, naka- depende sa kay Kristo o naka- depende sa sarili? Ang mga maliliit na mga desisyong ito ang magsasabi kung anong klaseng tao ka sa hinaharap.
Ang Buhay ay Binubuo ng Maraming Maliliit na Desisyon
Ang endurance ay nangangahulugang pasunod sa pananampalataya na alam ang patutunguhan. Ang pagkawala ng direksyon o patutunguhan ay resulta ng maraming maliliit na maling desisyon. Dapat nating tingnan at tanungin ang sarili kung ang ating mga ginagawa ay nakakatulong para si Kristo ang maging sentro ng ating buhay. Masasabi ring ang tunay na espiritwalidad ay ang pagkaroon ng disiplina sa sarili sa espiritwal na aspeto.
Ang 2 Timoteo 2:3-7 ay nagsasabi na ang sundalo, atleta, at magsasaka ay dapat may disiplina sa sarili kung gusto nilang magawa ng maayos ang kanilang gawain. Dapat ganito din tayong mga kristiyano. Ang buhay kristiyano ay nangangailangan ng tiyaga at disiplina, tiyagang nanggaling sa Panginoon ( Kolosse 1:29). At ang tiyagang ito ang mag bibigay sa atin ng bungang di-panandalian.
Ang Mga Praktikal Na Implikasyon 
Ang Romano 6:12-14 ay nagsasabing importante ang disiplina sa sarili para tayong mga nananampalataya kay Kristo ay maging katulad Niya sa mga gawa. Mayroon tayong pagpipilian kung kanino natin ibibigay ang ating mga sarili. Ang Romano 12:1-2 ay nagsasabing dapat nating ibigay ang ating sarili at isip sa Panginoon. Palagi tayong nanghihinayang sa kung paano natin ginagamit ang ating oras ( hal. sobrang panood ng TV), pero narasan mo na bang matapos basahin ang Bibliya at nanghinayang ka sa huli?
Pahalagahan natin ang ating oras sa pamamagitan nang paggamit nito sa makabuluhang gawain. Magbasa ng Bibliya at iba pang libro na makakatulong sa iyong buhay kristiyano. Pag-usapan sa pamilya ang mga natutunan mula sa mga binasa. Pahalagahan ang oras para magamit sa mga gawaing makabuluhan at para maging isang taong gusto mong maging sa huli.
Gawin ang langit na motibasyon ( 2 Pedro 3:13). Magpakumbaba para malampasan ang mga pagsubok ( 1 Pedro 4:12). Sundin ang yapak nang mga naunang natapos tulad nina Jim Elliot at ng kanyang kapatid na si Burt. At isapuso kung ano at sino ang gusto mong maging sa hinaharap at manalangin na iyon ay ipagkaloob ng Panginoon.

Paghahanap ng Kagalakan

PagePush — Mon, 24 Aug 2009 16:22:00 GMT

PagePush: Automated: copied from main site

{{ info | Quest for Joy}}Anim na Katotohanang Mula sa Banal na Kasulatan

''(Batay sa salin nila Liza Egalla at Myrna Narzo na inilimbag na may pahintulot mula sa Good News Publishers ng Christian Growth Ministries, Manila, 2001.)''

'''Alam mo ba na ipinag-uutos ng Diyos ang ating kasiyahan?'''

''"Magkaroon ka ng kasiyahan sa PANGINOON at ibibigay niya sa iyo ang mga hangarin ng iyong puso." (Mga Awit 37:4) ''

'''1) Tayo ay nilalang ng Diyos para sa Kanyang kaluwalhatian.'''
<blockquote>''Dalhin ninyo ang mga anak kong lalaki mula sa malayo at ang mga anak kong babae mula sa mga dulo ng daigdig, ... ang mga nilikha ko para sa aking kaluwalhatian ... (Isaias 43:6-7)'' </blockquote>
Tayo ay nilikha ng Diyos upang palakihin ang kadakilaan Niya—tulad ng pagpapalaki ng mga teleskopyo sa mga bituin. Nilikha Niya tayo upang itanghal ang Kanyang kabutihan at katotohanan at kagandahan at karunungan at katarungan. Ang pinakadakilang pagtatanghal ng kaluwalhatian ng Diyos ay nag-uugat sa malalim na pagkalugod ng Kanyang mga nilalang sa kabuuan Niya bilang Diyos. Siya ay naluluwalhati at tayo ay nasisiyahan. Nilikha Niya tayo upang Siya ay lubusang maluwalhati sa atin kapag tayo ay lubusang nasisiyahan sa Kanya.

'''2) Ang lahat ng tao ay dapat mamuhay para sa kaluwalhatian ng Diyos.'''
<blockquote>''Kaya kung kayo’y kumakain o umiinom o anuman ang inyong ginagawa, gawin ninyo sa ikaluluwalhati ng Diyos. (I Mga Taga Corinto 10:31)'' </blockquote>
Kung tayo ay nilikha ng Diyos para sa Kanyang kaluwalhatian, maliwanag na dapat tayong mamuhay para sa Kanyang ikaluluwalhati. Ang ating tungkulin ay nagmumula sa Kanyang tangkain. Dahil dito, ang pangunahing tungkulin natin ay ipamalas ang kahalagahan ng Diyos sa pamamagitan ng ating lubos na kasiyahan sa kabuuan Niya para sa atin. Ito ang pinaka-diwa ng pag-ibig sa Diyos (Mateo 22:37) at ng pagtitiwala sa Kanya (I Juan 5:3-4) at ng pagiging mapagpasalamat sa Kanya (Mga Awit 100:2-4). Ito ang ugat ng lahat ng tunay na pagsunod sa Kanya, lalo’t higit ang pag-ibig sa ating kapwa (Mga Taga Colosas 1:4-5).

'''3) Lahat tayo ay nabigo sa ating tungkulin na luwalhatiin ang Diyos.'''
<blockquote>''Pagkat lahat ay nagkasala at hindi nakaabot sa kaluwalhatian ng Diyos. (Mga Taga Roma 3:23)'' </blockquote>
Ano ang ibig sabihin ng “hindi nakaabot sa kaluwalhatian ng Diyos?” Ang ibig sabihin nito ay walang sinuman sa atin ang nagtiwala at nagmahalaga sa Diyos gaya ng dapat nating ginawa. Hindi tayo nasiyahan sa Kanyang kadakilaan at hindi tayo namuhay ayon sa Kanyang kapamaraanan. Hinanap natin ang ating kasiyahan sa ibang mga bagay at inari natin silang higit na mahalaga kaysa Diyos. Ito ang pinakabuod ng pagsamba sa mga diyus-diyusan (Mga Taga Roma 1:21-23). Mula nang pumasok ang kasalanan sa sanglibutan, naging matindi ang ating pagtanggi sa Diyos bilang tanging kayamanang nakapagbibigay ng buo at tunay na kasiyahan (Mga Taga Efeso 2:3). Ito ay nakasisindak na paghamak sa kadakilaan ng Diyos (Jeremias 2:12-13).

'''4) Tayong lahat ay nasa ilalim ng makatarungang hatol ng Diyos.'''
<blockquote>''Pagkat ang kabayaran ng kasalanan ay kamatayan … (Mga Taga Roma 6:23)'' </blockquote>
Minaliit nating lahat ang kaluwalhatian ng Diyos. Sa paanong paraan? Sa pamamagitan ng pagtangi natin sa ibang mga bagay nang higit sa Kanya. Sa pamamagitan ng ating kawalan ng utang na loob, di-pagtitiwala, at pagsuway sa Kanya. Dahil dito, makatarungan ang Diyos sa hindi Niya pagpahintulot sa atin na tamasahin ang Kanyang kaluwalhatian magpakailanman. “Igagawad sa kanila ang walang hanggang kaparusahan at hindi sila tatanggapin sa harapan ng Panginoon at sa kadakilaan ng kanyang kapangyarihan” (II Mga Taga Tesalonica 1:9).

Ang salitang “impiyerno” ay ginamit sa Bagong Tipan ng labing-apat na ulit—at sa labindalawang ulit nito si Jesus mismo ang nagsasalita. Ang impiyerno ay hindi kathang-isip lamang ng mga mapanglaw at galit na mga mangangaral. Ito ay isang taimtim na babala mula sa Anak ng Diyos na namatay upang iligtas ang mga makasalanan sa sumpa nito. Ang pagwawalang-bahala natin sa babalang ito ay isang malaking pakikipagsapalaran.

Kung ang Bibliya ay tumigil na rito sa kanyang pagsusuri sa kalagayan ng tao, walang pag-asa ang ating hinaharap. Subali’t hindi dito tumigil ang Bibliya ...

'''5) Sinugo ng Diyos ang Kanyang bugtong na anak na si Jesus upang bigyan tayo ng buhay at kagalakang walang-hanggan.'''
<blockquote>''Ang sasabihin kong ito’y katotohanan na dapat tanggapin at paniwalaan: Si Cristo Jesus ay naparito sa sanlibutan upang iligtas ang mga makasalanan ... (I Timoteo 1:15)'' </blockquote>
Ito ang mabuting balita: si Cristo ay namatay para sa mga makasalanang gaya natin. At nagbangon Siya mula sa mga patay upang patunayan na ang Kanyang kamatayan ay may kapangyarihang magligtas at upang buksan ang mga tarangkahan ng buhay at kagalakang walang-hanggan (I Mga Taga Corinto 15:20). Ang ibig sabihin nito ay maaaring mapawalang-sala ng Diyos ang mga nagkasala at manatiling makatarungan (Mga Taga Roma 3:25-26). “Sapagkat si Cristo’y minsang namatay para sa kasalanan ng lahat, ang walang kasalanan para sa mga makasalanan, upang ilapit kayo sa Diyos” (I Pedro 3:18). Sa pag-uwi sa Diyos matatagpuan ang lahat ng malalim at walang-hanggang kasiyahan.

'''6) Ang mga pakinabang na dulot ng pagkamatay ni Cristo ay pag-aari ng mga magsisisi at mananampalataya sa Kanya.'''
<blockquote>''Kaya magsisi na kayo ngayon at magbalik-loob sa Dios. Sa gayon, papawiin niya ang inyong mga kasalanan ... (Mga Gawa 3:19)'' </blockquote><blockquote>
''Manampalataya ka sa Panginoong Jesus, at maliligtas ka ... (Mga Gawa 16:31)''
</blockquote>
Ang “pagsisisi” ay nangangahulugan ng pagtalikod sa lahat ng mga mapandayang pangako ng kasalanan. Ang “pananampalataya” ay ang pagkakaroon ng kasiyahan sa lahat ng ipinangako ng Diyos sa atin kay Jesus. “Ang sumasampalataya sa akin,” sabi ni Jesus, “ay hindi na mauuhaw kailanman” (Juan 6:35). Hindi natin kayang kitain ang ating kaligtasan. Kailanman hindi tayo maaring maging karapatdapat dito (Mga Taga Roma 4:4-5). Ang kaligtasan ay ayon sa biyaya, sa pamamagitan ng pananampalataya (Mga Taga Efeso 2:8-9). Ito ay kaloob na walang bayad (Mga Taga Roma 3:24). Ito ay mapapasaatin kung atin itong pakamamahalin sa lahat ng bagay (Mateo 13:44). Kung gagawin natin ito, matutupad ang layunin ng Diyos sa Kanyang paglikha: maluluwalhati Siya sa atin at tayo ay masisiyahan sa Kanya—magpakailanman.

'''Nauunawaan mo ba ito?'''

Ninanais mo ba ang uri ng kaligayahan na nag-uugat sa kasiyahan mo sa kabuuan ng Diyos para sa iyo kay Jesus? Kung ganoon, ang Diyos ay kumikilos sa iyong buhay.

'''Ano ang dapat mong gawin?'''

Talikuran mo ang mga mapandayang pangako ng kasalanan. Tumawag ka kay Jesus upang iligtas ka sa pagbabagabag at sa kaparusahan at sa pang-aalipin ng kasalanan. “Bawat tumatawag sa pangalan ng Panginoon ay maliligtas” (Mga Taga Roma 10:13). Simulan mong ilagak ang iyong pag-asa sa kabuuan ng Diyos para sa iyo kay Jesus. Wasakin mo ang kapangyarihan ng mga pangako ng kasalanan sa pamamagitan ng iyong pagsampalataya sa nakahihigit na kasiyahan na masusumpungan sa mga pangako ng Diyos. Umpisahan mong basahin ang Bibliya upang masumpungan mo ang mga mamahalin at napakadakilang pangako na makapagpapalaya sa iyo (II Pedro 1:3-4). Humanap ka ng iglesyang nananalig sa Bibliya at simulan mong sumamba at lumago doon kasama ng ibang mga taong nagmamahalaga kay Cristo nang higit sa lahat ng bagay (Mga Taga Filipos 3:7).

Ang nakatutuwang balita ay ito: hindi magkasalungat ang kagalakan natin at ang kabanalan ng Diyos. Kung tayo ay lubusang nasisiyahan sa kabuuan ng Diyos para sa atin kay Jesus, Siya ay ating itinatanghal bilang pinakadakilang Kayamanan sa lahat.

''“Ipinabatid mo sa akin ang daan ng buhay; sa iyong harapan pupuspusin mo ako ng kagalakan, ang kaligayahang walang hanggan sa kanan mong kamay.” (Mga Awit 16:11) ''

'''Ang mga pagbanggit sa salitang “impiyerno” o “impierno” sa Bagong Tipan'''

Datapuwat sinasabi ko ngayon, Sinumang mapoot sa kanyang kapatid ay mananagot sa hukuman. At sinumang lumait sa kanyang kapatid ay mananagot sa Sanedrin. At sinumang magsabi sa kanyang kapatid ng ‘Ulol ka’ ay nanganganib na ibulid sa apoy ng impierno. (Mateo 5:22, si Jesus ang nagsasalita)

Kaya, kung ang mga mata mo ang mag-aakay sa iyo sa pagkakasala, dukitin mo. Mabuti pang mawalan ka ng mata kaysa may mata ka nga ngunit mabubulid naman sa impierno. (Mateo 5: 29, si Jesus ang nagsasalita)

Kung ang mga kamay mo ang magiging dahilan ng iyong pagkakasala, putulin mo at itapon. Mabuti pang mawala ang iyong kamay kaysa mahulog ka sa impierno na buo ang katawan. (Mateo 5:30, si Jesus ang nagsasalita)

Huwag kayong matakot sa pumapatay ng katawan ngunit hindi makapapatay sa kaluluwa. Ang katakutan ninyo’y ang nakapapatay ng kaluluwa at katawan sa impierno. (Mateo 10:28, si Jesus ang nagsasalita)

Kung ang mata mo ang magiging dahilan ng pagkakasala mo, dukitin mo at itapon. Mabuti pang iisa ang matang pumasok sa buhay kaysa dalawa ang mata ngunit mabubulid naman sa apoy ng impierno. (Mateo 18:9, si Jesus ang nagsasalita)

Sa aba ninyo, mga eskriba at mga Pariseo! Mga mapagpaimbabaw! Nilalakbay ninyo ang karagatan at ginagalugad ang buong daigdig, makahikayat lamang kayo ng kahit isang Hentil sa pananampalatayang Judio. At kung mahikayat na’y ginagawa ninyong masahol pa kaysa inyo, kaya’t nagiging ibayo ang dahilan para siya’y parusahan sa impiyerno. (Mateo 23:15, si Jesus ang nagsasalita)

Kayong mga ahas, mga lahi ng ulupong! Paano kayong makaliligtas sa kaparusahan ng impierno? (Mateo 23:33, si Jesus ang nagsasalita)

Kung ang kamay mo ang magbubulid sa iyo sa pagkakasala, putulin mo. Mabuti pang magpunta ka sa langit na putol ang iyong kamay kaysa may dalawa kang kamay ngunit mapupunta naman sa impierno na ang apoy ay hindi namamatay kahit kailan. (Marcos 9:43, si Jesus ang nagsasalita)

At kung ang paa mo ang magbubulid sa iyo sa pagkakasala, putulin mo. Higit na mabuting mapunta ka sa langit na putol ang iyong mga paa kaysa dalawa ang paa mo ngunit ihahagis naman sa impierno. (Marcos 9:45, si Jesus ang nagsasalita)

At kung ang mata mo ang magiging sanhi ng iyong pagkakasala, dukitin mo. Higit na mabuting pumasok ka sa kaharian ng Dios na iisa ang mata kaysa may dalawang mata ngunit ibubulid sa impierno. (Marcos 9:47, si Jesus ang nagsasalita)

Sasabihin ko sa inyo kung sino ang dapat ninyong katakutan: Ang katakutan ninyo ay ang may kapangyarihang magbulid sa inyo sa impierno pagkatapos patayin ang inyong katawan. Oo, siya nga ang katakutan ninyo. (Lucas 12:5, si Jesus ang nagsasalita)

Sa gitna ng kanyang pagdurusa sa impiyerno, tumingala ang mayaman at nakita sa malayo si Abraham at sa kanyang piling ay naroon si Lazaro. (Lucas 16:23, si Jesus ang nagsasalita)

Ang dila’y parang apoy, isang daigdig ng kasamaan sa gitna ng mga sangkap ng katawan. Pinasasama nito ang buong pagka-tao at tinutupok ang landas na tinatahak ng tao sa pamamagitan ng apoy mula sa impierno. (Santiago 3:6, si Santiago ang nagsasalita)

Maging ang mga anghel na nagkasala’y hindi pinatawad ng Dios, ibinulid sila sa impierno, ikinulong sa madilim na mga yungib upang ilaan sa kahatulan. (2 Pedro 2:4, si Pedro ang nagsasalita) Maliban sa Mateo 23:15, ang lahat ng mga banggit sa sermon na ito ay galing sa Ang Biblia: Bagong Salin sa Pilipino (New Pilipino Version), ©1986 ng Manila International Bible Society. Ang Mateo 23:15 ay galing sa Magandang Balita Biblia (Biblia na isinalin sa Wikang Tagalog), ©1980 ng Philippine Bible Society.

© Desiring God

'''Pahintulot:''' Kayo ay may pahintulot na kopyahin at ipamahagi ang katuruang ito sa anumang “format” na nais ninyo. Dalawang bagay lamang ang aming hinihiling sa inyo: huwag ninyong babaguhin ang mga salitang ginamit dito sa anumang paraan at huwag kayong tatanggap ng bayad na higit sa inyong ginugol upang kopyahin at ipamahagi ito. Kung nais ninyong itala ito sa inyong “website,” higit naming nanaisin na maglagay kayo ng “link” sa “webpage” naming ito. Kung nais ninyo ng “exception” sa mga kahilingang ito, kailangang humingi kayo ng karagdagang pahintulot mula sa Desiring God.

'''Pakilagay ang sumusunod na pahayag sa lahat ng kopya na inyong ipapamahagi:''' Isinulat ni John Piper. © Desiring God. Website: http://www.desiringGod.org.

Paano Natin Ipaglalaban ang Tunay na Kaligayahan?

PagePush — Mon, 24 Aug 2009 16:21:56 GMT

PagePush: Automated: copied from main site

{{ info | How Shall We Fight for Joy?}}1. Dapat maintindihan na ang tunay na kaligayahan ay galing lamang sa Panginoon.

2. Dapat maintindihan na ang tunay na kaligayahan ay dapat ipaglaban ng lubusan.

3. Gumawa ng desisyon na labanan ang lahat ng mga nakikitang kasalanan sa sarili.

4. Alamin ang sikreto kung paano lumaban tulad ng isang pinatawad na makasalanan.

5. Dapat maintindihan na ang labanan ay para makita kung sino talaga ang Panginoon.

6. Basahin at isapuso ang nakasulat sa Bibliya.

7. Manalangin nang taimtim para ang puso't mga mata ay nakatuon sa Diyos.

8. Dapat matutuhang pagsabihan ang sarili kaysa palaging makinig dito.

9. Makihalubilo sa mga taong and puso ay nasa Panginoon din para ikaw ay matulungang makilala ang Panginoon nang mas mabuti at matutung ilaban ang ating laban.

10. Magtiwala sa mga panahong hindi maramdaman and presensiya ng Panginoon.

11. Kunin ang tamang pahinga at ibigay ang tamang pagkain sa katawang ipinagkaloob ng Panginoon.

12. Mamangha sa ipinakita ng Panginoon sa pamamagitan ng kalikasan.

13. Magbasa ng mga libro tungkol sa Panginoon at sa mga taong nagbigay ng kanilang buhay sa Kaniya.

14. Gawin ang mga mahihirap na mga gawain na nagpapakita ng pagmamahal sa kapwa.

15. Palaparin ang bisyon para sa gawain at ibigay ang sarili para maparating ang magandang Balita sa mga hindi pa nakarinig.

Sampung Dahilan Kung Bakit Ako Nagpapasalamat Sa Biblia na Kinasihan ng Diyos

PagePush — Mon, 24 Aug 2009 16:21:52 GMT

PagePush: Automated: copied from main site

{{ info | 10 Reasons Why I Am Thankful for the God-Breathed Bible}}

'''1. A'ng Biblia ay gumigising sa pananampalataya, ang pinagmumulan ng lahat ng pagsunod.'''

Kaya’t ang ''pananampalataya'' ay bunga ng ''pakikinig'', at makapakinig lamang kung may mangangaral ''tungkol kay Cristo.''(Roma 10:17 GNB)

'''2. Ang Biblia ay nagpapalaya mula sa kasalanan.'''

Makikilala ninyo ang ''katotohanan'', at ang ''katotohanan'' ang magpapalaya sa inyo. (Juan 8:32 GNB)

'''3. Ang Biblia ay nagpapalaya mula kay Satanas.'''

Hindi dapat makipag-away ang lingkod ng Diyos, sa halip, dapat siyang maging mabuti sa pakikitungo sa lahat, mahusay at ''matiyagang guro''. Mahinahon niyang ituwid ang mga sumasalungat sa kanya, baka sakaling sa ganitong paraa’y bigyan sila ng Diyos ng pagkakataong magsisi’t tumalikod sa kanilang mga kasalanan, at ''malaman ang katotohanan''. Kung magkagayon, magliliwanag ang kanilang isip at sila’y makakawala sa bitag ng diyablong bumihag sa kanila. (2 Timoteo 2: 24-26 GNB)

'''4. Ang Biblia ay nagpapabanal.'''

Pakabanalin mo sila sa ''katotohanan'', ang salita mo’y ''katotohanan''. (Juan 17:17 KJV)

'''5. Ang Biblia ay nagpapalaya mula sa katiwalian at nagbibigay kapangyarihan sa kabanalan.'''

Yamang ipinagkaloob sa atin ng kaniyang banal na kapangyarihan ang lahat ng mga bagay na nauukol sa kabuhayan at sa kabanalan, sa pamamagitan ng ''pagkakilala sa kaniya ''na tumawag sa atin sa pamamagitan ng kaniyang sariling kaluwalhatian at kagalingan; Na dahil dito ay ipinagkaloob niya sa atin ang kaniyang mahahalaga at napakadakilang ''pangako''; upang sa ''pamamagitan ng mga ito ''ay makabahagi kayo sa kabanalang mula sa Dios, yamang nakatanan sa kabulukang nasa sa sanglibutan dahil sa masamang pita. (2 Pedro 1:3-4 KJV)

'''6. Ang Biblia ay naglilingkod sa pag-ibig.'''

At ito’y idinadalangin ko, na ang inyong pag ibig ay lalo’t lalo pang sumagana nawa sa ''kaalaman'' at sa lahat ng pakakilala. (Filipos 1:9 KJV)

Ang layunin ng ''tagubiling'' ito ay pabukalin ang pag-ibig buhat sa pusong dalisay, malinis na budhi, at tapat na pananampalataya. (1 Timoteo 1:5 GNB)

'''7. Ang Biblia ay nagliligtas.'''

Mag-ingat ka sa iyong sarili at ''sa iyong turo''. Manatili ka sa mga bagay na ito; sapagka’t sa paggawa nito ay ang iyo ring sarili ang ililigtas mo at pati ng mga nagsisipakinig sa iyo. (1 Timoteo 4:16 KJV)

Kaya nga pinatotohanan ko sa inyo sa araw na ito, na ako’y malinis sa dugo ng lahat ng mga tao. Sapagka’t hindi ko ikinait ang pagsasaysay sa inyo ng ''buong kapasiyahan ng Diyos''. (Mga Gawa 20:26-27 KJV)

At may buong daya ng kalikuan sa nangapapahamak; sapagkat hindi nila tinanggap ang pag-ibig sa ''katotohanan'', upang sila’y mangaligtas. (2 Mga Taga Tesalonica 2:10 KJV)

'''8. Ang Biblia ay nagbibigay ng kagalakan.'''

Ang mga bagay na ito ay ''sinalita'' ko sa inyo, upang ang aking kagalakan ay mapasa inyo at upang ang inyong kagalalakan ay malubos. (Juan 15:11 KJV)

'''9. Ang Biblia ay ipinapahayag ang Panginoon.'''

At napakilala uli ang Panginoon sa Silo, sapagka’t ang Panginoo’y napakilala kay Samuel sa Silo sa pamamagitan ng salita ng Panginoon. (1 Samuel 3:21 KJV)

'''10. Sa gayon''', ang Biblia ang pundasyon ng aking maligayang tahanan, buhay at ministeryo at pag-asa sa kawalang- hanggan sa piling ng Diyos.